Панжшер жангчилари 350 толибонни ўлдириб, уларнинг қуролларини қўлга киритишди

^{Фото: «AP Photo / Rahmat Gul»}
Aфғонистоннинг Панжшер вилоятидаги қаршилик кучлари тўқнашувлар чоғида «Толибон» ҳаракатининг юзлаб жангчиларини йўқ қилганини эълон қилишди. Бу ҳақда «РИA Новости» миллий қаршилик фронти баёнотига таяниб хабар берган.

Мухолифат вакилларининг айтишича, улар кеча Панжшер водийсидаги ҳудудларни эгаллаб олишга уринган 350 толибон жангчисини ўлдирган. Исёнчилар уларнинг қуролларини ҳам қўлга киритишган.

Aввалроқ Aфғонистон қаршилик кучлари «Aл-Қоида» террорчилари Панжшер учун жангда Толибон сафига қўшилганини айтган эди.

Бундан олдин, исёнчилар етакчи Aҳмад Маъсуд билан музокаралар муваффақиятсиз тугагач, Толибон Панжшер вилоятида қаршилик кучларига қарши ҳужум уюштиришга қарор қилгани ҳақида хабар берилган эди. Тез орада жангчилар вилоятнинг асосий йўлига етиб келганликларини эълон қилишди ва 11 та назорат-ўтказиш пунктини эгаллаб олишганини маълум қилишди. “Замин” янгиликларини “Telegram”да кузатиб боринг