Фото: «Journalchik.ru»
СССРнинг собиқ раҳбари Михаил Горбачёв иттифоқнинг қулаши учун жавобгарлик ҳиссидан воз кечмаслигини тан олди.
«Иттифоқни ислоҳ қилиш ва янгилаш зарур ва мумкин эди. Кеч бўлса-да, биз бу йўлни танладик. Агар бу жараённинг барча иштирокчилари ўз масъулиятини намоён қилсалар, мен ишонаманки, натижа бўлар эди: бизда кучли, чинакам суверен республикалар ва уларнинг умумий манфаатлари учун ҳаракат қиладиган кучли, самарали марказ бўлиши мумкин эди. Лекин биз бу муаммони ҳал қила олмадик. Мен ушбу жараёндаги айбларимни тан оламан», — дея таъкидлаган Горбачёв ўз интервьюсида.
«Айта оламанки, ҳамманинг олдида виждоним тоза. Мен Иттифоқни охиригача ҳимоя қилдим, сиёсий йўллар билан ҳаракат қилдим, — дейди Михаил Сергеевич. — Ўша пайтда ҳам, ҳозир ҳам уруш ҳаракатлари бошланиши хавфи туфайли зўрлик билан ҳаракат қилиш мумкин эмас.
Агар Россиянинг позицияси бўлмаганида, бошқа республикаларнинг айирмачилари ҳеч қачон Иттифоқни йўқ қилишга етарли кучга эга бўла олмас эдилар», — дейди у.
Михаил Горбачёв сўзларига кўра, ҳатто август ойи тўнтаришидан кейин ҳам республикалар суверенитет ва мустақиллик декларациясини қабул қилиш натижасида иттифоқ конфедератив давлатини тузиш тўғрисида келишиб олиш мумкин эди. Ҳатто ушбу мақсадда шартнома лойиҳаси ҳам тайёрланганди.
«Одамлар ватанни йўқотаётганини тушунишмади. Ҳеч ким Иттифоқни ҳимоя қилиб чиқмади. Ўйлайманки, бундан муҳим хулоса чиқади: мамлакат тақдирига таъсир кўрсатадиган ҳолатларда масъулиятсизлик, популизм, арзон демагогия қабул қилиниши мумкин эмас», — дея қўшимча қилади сиёсатчи. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Эрон президенти жиддий баёнот берди: «Исроилдан ҳеч нарса қолмайди»
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди