Украина ва Россия ўртасида уруш эҳтимоли ҳақида ҳарбий мутахассис фикри

^{Фото: РИА Новости}
Россия армияси Бош штабининг собиқ ходими, ҳарбий фанлар доктори Константин Сивков Европа Иттифоқининг Украина ҳудудида ҳарбий маслаҳатчи ўқув миссиясини тузиш режаларига изоҳ берди, деб ёзади «Украина.ру» нашри.

Экспертнинг таъкидлашича, Америка Қўшма Штатлари ўзининг анъанавий таъсир зоналарини тарк этмоқда ва Европа Иттифоқи Ғарбга қаршилик кўрсатадиган кучларнинг кучайишидан қўрққан америкаликларни алмаштиришга ҳаракат қилмоқда.

Бироқ, Европа Иттифоқи ҳарбий таъсирини кучайтиришга интилмайди. Эксперт таъкидлаганидек, маслаҳат гуруҳлари ҳарбий миссияга тегишли эмас.

Мухбирнинг Россия ва Украина ўртасида ҳарбий ҳаракатлар келиб чиқиш эҳтимоли ҳақидаги саволга: “Биласизми, менимча, бу йил вазиятнинг бундай ривожланиш эҳтимоли жуда паст. Бунинг бир қанча сабаблари бор. Гап шундаки, биринчидан, ҳозир АҚШ ва Европа Россия билан жиддий қарама-қаршиликка ҳали тайёр эмас, улар Афғонистондан кейин ҳамон шок ҳолатида, ҳали аниқ сценарийга эга эмас.

Иккинчидан, АҚШнинг диққат марказида Тинч океани бўлиб қолди. Тинч ва Ҳинд океанларида энди улар AUKUS блокини тузишган. Бошқа тўртта давлат - Япония, Жанубий Корея, Қўшма Штатлар ва Ҳиндистонни бирлаштириши керак бўлган яна бир бирлашма бор. Уларни ҳам қандайдир блокка айлантириш керак, чунки Ҳиндистон ҳали ҳам иккиланувчи позицияни эгаллаб турибди. У ҳали ҳам Россиянинг анъанавий иттифоқчиси ва бу шароитда унинг Россияга қарши блокга кириши қийин”, дейди Россия армияси бош штабининг собиқ ходими.

Шу билан бирга, Украинанинг амалдаги ҳукумати бошқарувда қолиш учун Донбассдаги можарони янада кучайтириши мумкин. Қолаверса, Ғарбни қўзғатиб, Россияга босим ўтказишга уриниш эҳтимоли бор.

Сивковнинг сўзларига кўра, бундай урушнинг оқибатларини тушунадиган украиналик сиёсатчилар топилади. Эксперт яқин келажакда бундай можаро юзага келиш эҳтимолини паст деб баҳоламоқда, бироқ буни келаси йили Украина ЛДНРга қарши ҳарбий чоралар кўриш эҳтимоли ҳақида айта олмаслигини таъкидлаган. “Замин” янгиликларини “Facebook”да кузатиб боринг