Фото: UNN
Байрут марказида «Ҳизбулла» ва «Амал» шиа ҳаракатлари тарафдорларининг оммавий акциялари отишмага айланиб кетди. Бу ҳақда Al-Jazeera хабар берди.
Намойишчилар 2020 йил август ойида Байрут портида юз берган портлаш бўйича тергов олиб бораётган судья Тарек Битарнинг истеъфосини талаб қилди. Аввалроқ Битар «Ҳизбулла»га алоқадор икки собиқ вазирни ҳибсга олишга ордер берганди.
Отишмалар натижасида олти киши ҳалок бўлди, 60 га яқин киши жароҳатланди. Қайд этилишича, бинолардан бирида турган снайпернинг ўқ узиши тўқнашувларни бошлаб юборган.
Отишмалар бир неча соат давом этди. Намойишчилар шунингдек, маҳаллий MTV телеканалининг суратга олиш гуруҳига ҳужум қилиб, мухбирни қаттиқ калтаклаган.
Жанжалга ҳарбийлар аралашди — улар ёнида қуроли бўлган барчани отиб ташлаш билан таҳдид қилди. Армия, шунингдек, Байрут кўчаларига зирҳли машиналарни жойлаштириб, одамларни хавфли ҳудудларни тарк этишга чақирди.
Кейинроқ Ливан армияси отишма қўзғатувчилари аниқлангани ва тўқнашувда иштирок этганликда гумон қилинаётган тўққиз киши ҳибсга олингани ҳақида хабар берди.
Ливан бош вазири Нажиб Микати фуқароларни хотиржамликни сақлашга чақирди, мамлакат президенти Мишель Аун эса отишма сабабларини батафсил ўрганишга ваъда берди.
«Ҳизбулла» ва «Амал» ҳам ўз тарафдорларини тинчланишга чақирди. Улар армиядан намойишчиларга ўқ узган мерганларни қўлга олишни сўрамоқда.
Мамлакатда 15 октябрь мотам куни деб эълон қилинди.
2020 йил август ойида Байрут портида аммиакли селитра ортилган кеманинг портлаши натижасида 190 киши ҳалок бўлганди, уч киши бедарак йўқолган, 300 мингдан ортиқ одам бошпанасиз қолган. Ҳодиса натижасида етказилган умумий зарарни Ливан расмийлари 3-5 миллиард долларга баҳолаган.
Тергов гуруҳининг фикрича, юқори мартабали давлат хизматчиларининг бепарволиги ва коррупция сабабли портда товарлар хавфсизлик чораларига риоя қилинмаган ҳолда сақланган, бу эса портлашга олиб келган.
Шиа ҳаракатлари портлаш қасддан қилинган фитна натижасида содир бўлган деб ҳисоблайди. Ливан шиаларининг фикрича, ҳозирги отишмалар ортида ҳам айнан шу фитначилар турибди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шойгу Украина дронларига қарши қўлланиладиган янги воситалар билан танишди
Ла Лига. “Реал Мадрид” муддатидан олдин Испания чемпионлигини қўлга киритди
Тимур Кападзе Японияга қарши кечадиган финал учрашуви олдидан нималар деди?
Шавкат Мирзиёев: Жаҳонда инвесторлар учун мислсиз кураш кетяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Туркия Курдистон ишчи партиясига алоқадор 43 нафар террорчини йўқ қилди
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди
