15:21 / 24.10.2021
1 079

“Бизга Россия ҳарбий базасининг ўзи етади” – Садир Жапаров

“Бизга Россия ҳарбий базасининг ўзи етади” – Садир Жапаров
Қирғизистон ҳукумати мамлакатда Америка ҳарбий базасини жойлаштириш имкониятини кўриб чиқмаяпти. Бу ҳақда шанба куни Бишкекдаги матбуот анжуманида республика президенти Садир Жапаров маълум қилди.

"Кантда (Чуй вилояти) Россия базаси бор. Бизга битта база етарли", – деди у Қирғизистонда АҚШ ҳарбий базасини очиш имконияти ҳақидаги саволга жавоб берар экан.

Биз ҳудудимизда иккита базани жойлаштириб, нуфузли давлатлар билан мушук-сичқон ўйнашни истамаймиз”, – дея таъкидлади Жапаров Қирғизистонда Америка ҳарбий базаси 2014 йилда фаолиятини тўхтатганини эслатиб.

АҚШ базаси Бишкекнинг Манас аэропортида 2001 йилда очилган бўлиб, Афғонистондаги операцияни қўллаб-қувватлашга мўлжалланган эди. У ерда аксилтеррор коалициясида иштирок этувчи давлатларнинг ҳарбий хизматчилари ва жиҳозлари жойлаштирилганди. Ҳарбий база 2014 йил ёзида қирғиз томонининг илтимосига биноан ёпилди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » “Бизга Россия ҳарбий базасининг ўзи етади” – Садир Жапаров