Фото: CNN
Таиланддан АҚШга ўн миллионлаб ишлатилган нитрил қўлқоплар экспорт қилинган. Бу ҳақда CNN телеканали журналистлари олиб борган суриштирувдан маълум бўлди.
Пандемия вақтида ҳимоя воситаларига талаб кескин ошгани ортида нопок тадбиркорлар ишлатилган бир марталик қўлқопларни сотиб фойда олишга қарор қилган. Таъкидланишича, Таиландда ишлатилган қўлқопларни қўл тегизилмаган дастлабки кўринишига келтирувчи бир нечта яширин корхона ишлайди. Бундай қўлқоплар сақланган омборлардан бири Бангкок чеккасида аниқланган. У ерда ишлатилган тиббий қўлқоплар билан лиқ тўла чиқинди қоплари сақланган. Қўлқоплардан аксарияти ифлос кўринишда, баъзиларида эса ҳаттоки қон излари бўлган.
Журналистлар бир неча ой давом этган суриштирув давомида ўн миллионлаб сифатсиз ва ифлос қўлқоплар АҚШга экспорт қилинганини аниқлашган. СNN маълумотларига кўра, бу “айсбергнинг бир учигина” ҳисобланади.
АҚШ компанияларидан бири феврал ойидаёқ АҚШнинг божхона-чегара хизмати ва санитар идораларига Таиланддан шундай қўлқоплар партиясини олганини маълум қилган. Бироқ шунга қарамай Таиланддаги компания АҚШга кейинги ойлар давомида яна ўн миллионлаб қўлқопларни жўнатишга муваффақ бўлган.
Баъзи ҳолатларда ишлатилган қўлқоплар дастлаб совун билан ювилган, сўнгра бўяб, қуритилган.
Таиланднинг мутасадди идоралари ишлатилган қўлқопларни сотувчиларга қарши камида 10 та рейд ўтказилганини маълум қилган.
АҚШ ва Таиландда ушбу ҳодиса юзасидан тергов бошланган.
“АҚШга катта ҳажмда сифатсиз товарлар, ифлос, аввал ишлатилган ва сифатсиз қўлқоплар етказилади. Федерал ҳукумат, кўринишича, муаммонинг қанчалик катталигини эндигина англай бошламоқда”, деб айтган тиббиёт соҳасидаги эксперт Дуглас Штайн. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Эрон президенти жиддий баёнот берди: «Исроилдан ҳеч нарса қолмайди»
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди