07:29 / 28.11.2021
1 963

Зеленский: “Биз саккиз йилдан бери Россия билан уруш ҳолатидамиз”

Зеленский: “Биз саккиз йилдан бери Россия билан уруш ҳолатидамиз”
Украина президенти Владимир Зеленский ўз мандатининг биринчи ярми тугаганига бағишланган матбуот анжуманида мамлакат саккиз йилдан бери Россия билан уруш ҳолатида эканини айтди. У Россиянинг эҳтимолий босқини ҳақидаги саволга шундай жавоб берди:

Баъзи оммавий ахборот воситалари эртага уруш бўлишидан қўрқишади. Ишончингиз комил бўлсинки, биз чегараларимизни тўлиқ назорат қиламиз. Ва ҳар қандай кескинлашувга тўлиқ тайёрмиз”.

Украиналик ҳарбийлар Донбасснинг Киев назорати остидаги ҳудудида танкдан ўқ отиш машқларини ўтказди ва жанговар топшириқларни бажаришга тайёрлигини айтмоқда. НАТО раҳбарияти Россия билан зиддият кучайган тақдирда уларни қўллаб-қувватлашга ваъда берган.

Биз буни диққат билан кузатиб боряпмиз, маълумот тўплаяпмиз, маълумот алмашяпмиз ва Россияга аниқ сигнал юбормaяпмиз: улар кескинликни камайтириши, деэскалация ва шаффофликни таъминлаши, шунингдек, Украинага қарши ҳар қандай куч ишлатиш оқибатларга олиб келишини ва Россияга қимматга тушишини ҳисобга олиши керак”, – деди Зеленский.

Россия эса Украинага ҳужум ҳақидаги хабарлар ҳақиқатга зидлигини таъкидлаб, Россия ҳеч кимга ҳужум қилмоқчи эмаслигини айтмоқда.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Зеленский: “Биз саккиз йилдан бери Россия билан уруш ҳолатидамиз”