Фото: The White House via Reuters
Кремль Россия президенти Владимир Путин ва АҚШ президенти Жо Байден ўртасида ўтказилган видеомулоқот тафсилотларини маълум қилди.
Қайд этилишича, икки давлат раҳбарлари Украинадаги инқироз ва 2015 йилдаги Минск келишувларининг бажарилишида силжиш йўқлиги билан боғлиқ масалаларни муҳокама қилган.
«Путин Киевнинг келишувларни бажармаётгани ва Украинанинг Донбассдаги иғвогарона ҳаракатларини таъкидлади. Бунга жавобан Байден Россия қўшинларининг Украина чегаралари яқинидаги «хатарли» ҳаракати ва вазият кескинлашган тақдирда АҚШ ва унинг шериклари жорий этадиган санкциялар ҳақида маълум қилди», дейилади хабарда.
Хабарга кўра, Россия президенти «айнан НАТО Украина ҳудудини ўзлаштиришга уринаётгани ва чегараларда ҳарбий салоҳиятини ошираётганини» таъкидлаган. Унинг сўзларига кўра, Москва альянснинг Шарққа томон кенгаймаслиги борасида юридик кафолат олишдан манфаатдор.
«Етакчилар ўз вакилларига мазкур нозик масалалар бўйича маслаҳатлашувларга киришишлари бўйича топшириқ беришга келишиб олди», — дейилади Кремль хабарида.
Россия президенти маслаҳатчиси Дмитрий Ушаковнинг сўзларига кўра, икки давлат раҳбарлари ўзаро дипломатик миссиялар фаолиятини ҳам муҳокама қилган.
Эслатиб ўтамиз, 7 декабрь куни Владимир Путин ва Жо Байден икки соат давомида видеомулоқот ўтказди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Футзал. Осиё Кубоги. Тожикистон Японияни гуруҳда қолдирди
Швейцария президенти Путинга мактуб йўллади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?