18:20 / 08.12.2021
2 509

Бангладешда талабанинг ўлимида айбланган 20 киши ўлим жазосига ҳукм қилинди

Бангладешда талабанинг ўлимида айбланган 20 киши ўлим жазосига ҳукм қилинди
Фото: AFP
Бангладеш суди 2019 йилда муҳандислик-технология университети талабаси Аброр Фаҳадни ўлдиришда айбдор деб топилган 20 нафар кишини ўлим жазосига ҳукм қилди. Бу ҳақда The Bangladesh Observer нашри хабар бермоқда.

Хабарга кўра, суд мажлисида 25 нафар айбланувчидан 22 нафари қатнашган. Уларнинг 20 нафари олий жазога ҳукм қилинди. Беш нафарига бир умрга озодликдан маҳрум қилиш жазоси тайинланган, аммо уч нафари ҳозирча қидирувда.

21 ёшли Аброр Фаҳад 2019 йил 7 октябрда жонсиз ҳолда топилган. У Facebook тармоғида ҳукуматни танқид қилгани учун қийноққа солинган, сўнгра ўлдирилган.

Ушбу қотилликдан сўнг мамлакатдаги талабалар йигитнинг ўлимига сабаб бўлганларни топиш ва жазолашни талаб қилиб оммавий намойишлар ўтказган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Бангладешда талабанинг ўлимида айбланган 20 киши ўлим жазосига ҳукм қилинди