Қозоғистонда газ нархи ошишига қарши норозилик намойишлари бўлиб ўтди
Фото: Tengrinews.kz.
Қозоғистоннинг Манғистов областида суюлтирилган газ нархи кескин кўтарилишига қарши норозилик намойишлари бўлиб ўтди, деб хабар берди Tengrinews.
Хабарга кўра, 2 январ куни Жанаўзан шаҳри аҳолиси митинг ўтказган. Автомобилчилар бир литр газ нархи 120 тенгега кўтарилганидан норозилик билдирган ва ҳукуматдан нархни икки бараварга камайтиришни талаб қилган.
3 январ куни Қозоғистон президенти Қосим-Жўмарт Тўқаев республика ҳукуматига «Жанаўзандаги вазиятни зудлик билан кўриб чиқиш» бўйича топшириқ берганини маълум қилди.
Ўз навбатида, вазирлар маҳкамаси Манғистов областидаги ижтимоий-иқтисодий вазиятни кўриб чиқиш бўйича комиссия тузилганини эълон қилди ва газ нархини барқарорлаштириш бўйича чора-тадбирлар амалга оширилишини билдирди.
Манғистов областидаги норозиликлар фонида республиканинг йирик шаҳарларида хавфсизлик чоралари кучайтирилгани айтилмоқда. «Интерфакс»нинг ёзишича, хусусан, Олмаотада марказий майдон полиция томонидан ўраб олинган.
Қозоғистоннинг Манғистов областида суюлтирилган газ нархи кескин кўтарилишига қарши норозилик намойишлари бўлиб ўтди, деб хабар берди Tengrinews.
Хабарга кўра, 2 январ куни Жанаўзан шаҳри аҳолиси митинг ўтказган. Автомобилчилар бир литр газ нархи 120 тенгега кўтарилганидан норозилик билдирган ва ҳукуматдан нархни икки бараварга камайтиришни талаб қилган.
3 январ куни Қозоғистон президенти Қосим-Жўмарт Тўқаев республика ҳукуматига «Жанаўзандаги вазиятни зудлик билан кўриб чиқиш» бўйича топшириқ берганини маълум қилди.
Ўз навбатида, вазирлар маҳкамаси Манғистов областидаги ижтимоий-иқтисодий вазиятни кўриб чиқиш бўйича комиссия тузилганини эълон қилди ва газ нархини барқарорлаштириш бўйича чора-тадбирлар амалга оширилишини билдирди.
Манғистов областидаги норозиликлар фонида республиканинг йирик шаҳарларида хавфсизлик чоралари кучайтирилгани айтилмоқда. «Интерфакс»нинг ёзишича, хусусан, Олмаотада марказий майдон полиция томонидан ўраб олинган.
Изоҳлар 0
…