Фото: AP Photo
АҚШ администрацияси Украинага қўшимча 200 миллион долларлик ҳарбий ёрдам кўрсатишни маъқуллагани тўғрисида хабар берилганди. Politico газетаси Владимир Зеленскийнинг ёрдамчиси ва вазиятдан хабардор манбасига таяниб маълум қилишича, мазкур ҳарбий ёрдам доирасида Украинага радар тизимлари ва денгиз ускуналари топширилади.
Гап CNN маълумотларига кўра, АҚШ президенти 2021 йилнинг декабрида махфий равишда маъқуллаган қўшимча ёрдам ҳақида кетмоқда.
Етказиб бериш ишлари айнан қачон бошланиши номаълум. Зеленскийнинг ёрдамчисини сўзларига кўра, Украина томони бу ҳақда декабрь ойида «юқори даражада» хабардор қилинган. Politico манбасининг таъкидлашича, Америка разведкаси «Россия ўзининг бутун ҳарбий кучини қўллаган ҳолда кенг кўламни босқинни амалга ошириши мумкинлиги» сабаб ушбу ёрдам Украинага «Россияга қўшимча зарар етказишга ёрдам беради», аммо вазиятни жиддий ўзгартириб юбормайди, деб ҳисоблайди.
Politico маълумотларига кўра, 200 миллион сўмлик маблағ Байденнинг «хатар остида» бўлган хориж давлатларига ёрдам кўрсатиш борасидаги ваколатлари доирасида тасдиқланган. Унинг механизмига кўра, президент администрацияси бу ҳақда Конгрессни огоҳлантириши керак. Аммо газета боғланган бир нечта конгрессмен бундан яқиндагина ёпиқ брифинг вақтида хабар топганини билдирган.
CNN хабарига кўра, Киевга янги ёрдам пакети АҚШ бундан олдин ҳам етказиб берган бир хил мудофаа ускуналарни ўз ичига олади, жумладан, ўқотар қурол ва ўқ-дорилар, ҳимояланган радиостанциялар ва тиббий асбоб-ускуналар. Телеканал маълумотларига кўра, ёрдам АҚШ ва Россия ўртасида хавфсизлик кафолатларига бағишланган музокаралар бошланишидан бир неча кун олдин маъқулланган.
Эслатиб ўтамиз, Украина билан чегарада Россия қўшинларининг тўплангани ҳақидаги маълумотлар октябрь ойида Ғарб ОАВларида пайдо бўлишни бошлаган. Ноябрь ойи ўрталарида Украина президенти Владимир Зеленский чегарада 100 минг Россия қўшини борлигини маълум қилган. АҚШ Давлат котиби ўринбосари Виктория Нуланд Россиянинг Украинага «бостириб кириши» 2022 йил бошида содир бўлиши мумкинлигини айтган.
Москва бу маълумотларни рад этиб, Украинадаги ҳарбий ҳаракатларга тайёргарлик ҳақидаги хабарларни «қуруқ, асоссиз кескинлик» деб атамоқда. Қолаверса, Россия Ғарб давлатларидан НАТОнинг шарққа томон кенгаймаслиги, Украина эса бу ташкилотга қабул қилинмаслиги ҳақида кафолат талаб қилган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Учар автомобил йўловчи билан биринчи парвозини амалга оширди (видео)
Руслар Abrams танкларининг заиф томонини топишди
Мария Захарова украиналикларни Америка ҳиндуларига ўхшатди
Японларни дунёдаги энг узоқ умр кўрувчи миллатга айлантираётган фойдали одатлар
Зоир Мирзаев “Телефонсиз мактаб”га 300 млн сўм мукофот берди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
“Толибон” Афғонистоннинг Хост вилоятида беш нафар фуқарони қамчи билан жазолади
Испания ва Греция Киевга Patriot тизимларини етказиб беришдан бош тортди
