Олимлар омикрон юқтирган одамларнинг терисида пайдо бўладиган белгиларни маълум қилди

^{Фото: Getty Images}
АҚШ Касалликларни назорат қилиш ва олдини олиш маркази олимлари коронавируснинг омикрон штаммини юқтирган одамлар терисида сезила бошлаган симптомлар ҳақида хабар берди.

Олимлар омикроннинг касаллик белгиларини теридаги тошмалар, терининг қуруқлашиши ва ранги ўзгариши билан боғлади. Мутахассислар ушбу штамм билан касалланганлар орасида қоннинг кислород билан тўйиниш даражаси пастлигидан келиб чиқадиган терининг рангпар, кул ранг ёки кўкарган тусга кириши ҳолатларига эътибор қаратди.

CDC бу «огоҳлантириш» белгиси эканини таъкидлаб, бундай ҳолатларда дарҳол тиббий ёрдамга мурожаат қилиш зарурлигини қайд этган.

Шунингдек, агентлик терида қизил иссиқлик тошмаларининг тошишига эътибор беришни тавсия қилди. Бундай тошмалар кўпинча тирсаклар ва тиззаларда, қўл ва оёқларнинг орқа қисмида пайдо бўлади.

Мутахассислар, шунингдек, лабларнинг қуриши, оғриши, қуёш нуридан энг кўп таъсирланадиган бўйин териси ва кўкрак олд қисмидаги терининг қуруқлашишига эътиборсиз бўлмасликка чақирган. “Замин” янгиликларини “Youtube”да кузатиб боринг