Америкалик миллиардер Чарли Мангер криптовалюталарни «каламуш заҳари» деб атади

^{Фото: Bloomberg}
Инвестор Уоррен Баффетнинг кўп йиллик ҳамкори Чарли Мангер криптовалюталарни тақиқлашга чақириб, Хитойни унга бўлган кескин чекловлар учун мақтади. Бу ҳақда «Forbes.ru» хабар бермоқда.

Berkshire Hathaway компанияси вице-президенти Чарли Мангер биткоинни бозорга керак бўлмаган «каламуш заҳари» деб ҳисоблашини айтиб ўтди. Forbes нашрининг сўнги маълумотларига кўра, Мангернинг умумий бойлиги — 2,4 млрд доллар.

- Мен буни зудлик билан тақиқлашни истардим. Хитойликлар буни аллақачон қилганига қойил қоламан, — дейди миллиардер.

Мангер узоқ вақтдан бери суд ва адлия идораларини дастурий таъминот билан таъминловчи, газета ва журналлар нашр этувчи Daily Journal директорлар кенгаши раиси лавозимида ишлаб келмоқда.

- Биз сармоя киритаётган компаниялар рақобатчиларимизга қараганда кучлироқ ва арзонроқ. Шунинг учун биз Хитойдамиз, — деди Мангер.

Daily Journal яқинда Хитойнинг Alibaba компаниясидаги улушини оширди. «Замин»ни Telegram’да ўқинг!