Украина Мудофаа вазирлиги: Уруш бошидан буён Россия тахминан 5,3 минг ҳарбийсидан айрилди

^{Фото: AFP}
Украина Мудофаа вазирлигининг вакили уруш пайтида Россия қуролли кучлари орасидан қурбонлар тахминан 5300 кишини ташкил қилгани ҳақида хабар берди. Ҳисоботда мазкур рақамлар ярадор ва асирларни ҳам ўз ичига олиш-олмаслиги айтилмаган. Ушбу маълумотни мустақил тасдиқлашнинг имкони йўқ, деб ёзади Meduza.

Вазирлик маълумотлар ҳали янгиланиши мумкинлигини таъкидлади. «Биз маълумотни фақат жанг охирида олишимиз мумкин, жанглар эса жуда узоқ давом этади. Маълумотлар эртаси куни, баъзан индинига келиб тушиши мумкин», — дейилади хабарда.

Украина Мудофаа вазирлиги ўз йўқотишлари ҳақида маълумот бермаган.

Шунингдек, вазирлик вакилининг айтишича, Россия армияси тўрт кунлик жангларда 29 та самолёт, 29 вертолёт, 3 та учувчисиз учиш аппарати ва 5 та ҳаво мудофаа тизимини йўқотган. Бундан ташқари, 191 та танк, 816 та зирҳли жанговар техника, 291 та машина, 60 та танк ва 2 та кемасидан айрилган.

Россия Мудофаа вазирлиги Украинадаги «махсус операцияси» давомида қурбонлар сони ҳақида маълумот бермаяпти.

«Тайга.инфо» нашрининг ҳуқуқ-тартибот идораларига яқин икки манбасига таяниб хабар беришича, Украинадаги жангларда Россиянинг Кемерово вилоятидаги СОБР махсус кучлар отряди бошлиғи Константин Огий ўлдирилган.

«Биз пистирмага тушдик. Колонна ўққа тутилди. Йигитлар Красноярск ва Новокузнецкдан. Бизникилардан 42 киши, СОБР отрядидан икки киши ҳалок бўлди. Қанча омончиларимиз ўлгани ҳали номаълум», — деди манбалардан бири.

Унинг сўзларига кўра, махсус кучлар отряди Беларусь томондан Украина бўйлаб ҳаракатланган.

«Тайга.инфо»нинг Кузбасс куч тузилмаларидаги яна бир манбаси ҳам гап ўнлаб қурбонлар ҳақида кетаётганини айтди.

Расмий равишда, ОМОН ва СОБР бўйсунадиган Россия гвардияси ва Мудофаа вазирлиги Кузбасс хавфсизлик кучларининг ўлими ҳақидаги хабарга изоҳ бермади.

Украина, Россия, Мудофаа, Россия армияси, Қуролли кучлар, Жанговар техника Украина ва Россия уруши «Замин» янгиликларини «Вконтакти»да кузатиб боринг