14:47 / 03.03.2022

Россия-Украина урушининг еттинчи куни суратларда...

^{Харьков маркази ўққа тутилиши. Фото: Павел Дорогой}
24 февраль тонгида Владимир Путин ДХР ва ЛХРни озод қилиш, шунингдек, Украинани «денацификация» ва «демилитаризация» қилиш мақсадида «махсус ҳарбий операция» бошлади. Шундан сўнг Россия Украинага қўшин киритди. Киев, Харьков, Мариуполь ва бошқа шаҳарларда бир неча кундан буён жанглар давом этмоқда.

Одамлар бомбапанагоҳларга, метро бекатлари ва ерости автотураргоҳларда яшириниб жон сақламоқда. Аҳолининг бир қисми қўшни давлатларга қочмоқда: БМТ маълумотига кўра, урушнинг етти кунида Украинани бир миллионга яқин киши тарк этган.

Сўнгги соатлардаги асосий воқеалар:

БМТ маълумотларига кўра, бир ҳафта ичида бир миллион украиналик қочқинга айланди.
Гаагадаги Халқаро жиноят суди Россиянинг Украинадаги эҳтимолий ҳарбий жиноятлари юзасидан тергов бошлади.
Россия ҳукумати думага санкциялар шароитида аҳоли ва бизнесни қўллаб-қувватлаш чора-тадбирлари тўғрисидаги қонун лойиҳасини тақдим этди.
Россия Мудофаа вазирлиги биринчи марта йўқотишлар ҳақида маълумот берди: 498 ҳарбий хизматчи ҳалок бўлгани, 1597 нафари яралангани айтилган.
Зеленскийнинг таъкидлашича, Россия армияси бир ҳафта ичида Украинада тўққиз минг аскарини йўқотди. Украина разведкаси фикрича, 4 март куни Кремл мамлакатда ҳарбий ҳолат эълон қилади.
Жаҳон банки Россия ва Беларусдаги дастурларни тўхтатди.
Гамбургда Алишер Усмоновнинг 600 миллион долларлик Dilbar номли яхтаси мусодара қилинди.
Роман Абрамович «Челси»ни сотади.
Oracle, Mercedes-Benz ва H&M Россияда сотувларини тўхтатди.
Россиядаги урушга қарши акцияларда яна 700 нафардан ортиқ киши ҳибсга олинди.

^{Полициячилар Киевдаги телеминорага берилган авиазарба оқибатида ҳалок бўлган киевликнинг жасади устини ёпишмоқда
Aris Messinis / AFP / Scanpix / LETA}

^{Киев кўчалари артиллерия зарбаларидан кейин. Aris Messinis / AFP / Scanpix / LETA}

^{Киев марказида танкка қарши тўсиқлар. Zurab Kurtsikidze / EPA / Scanpix / LETA}

^{Харьков кўчаларидаги ўт ўчирувчилар. Фото: Павел Дорогой}

^{ДХР назоратидаги Горловка шаҳрида скотч билан ҳимояланган дераза кўриниши
Alexander Ermochenko / Reuters / Scanpix / LETA}

^{Одамлар билан лиқ тўла бомбапанагоҳ. Киев области
Vadim Ghirda / AP / Scanpix / LETA}

^{Ҳудудий мудофаанинг 68 ёшли аъзоси Андрей Гончарук Киев яқинидаги Горенкада ҳужумга учраган уй олдида
Vadim Ghirda / AP / Scanpix / LETA}

^{Киев метроси. Фото: Aris Messinis / STF / AFP / Scanpix / LETA}

^{Ҳаво тревогаси вақтида болалар Киев метросида ўйнашмоқда
Sergey Dolzhenko / EPA / Scanpix / LETA}

^{Киевликлар Львовга борадиган эвакуация поездини кутишмоқда.
Gleb Garanich / Reuters / Scanpix / LETA}

^{Молдова-Украина чегарасидан ўтган автобус ойнасидан қараётган қизча. Автобус қочқинларни Кишинёвга олиб кетмоқда
Nikolay Doychinov / AFP / Scanpix / LETA}

^{Харьковдаги ётоқхонада ҳужум оқибатлари. Фото: Павел Дорогой}

^{Мариуполда аҳоли турар жойига қилинган ҳужум қурбони. Шифохонанинг туғуруқ бўлимига яраланганлар олиб келинмоқда.
Evgeniy Maloletka / AP / Scanpix / LETA}