17:30 / 13.03.2022

Қамалдаги Мариупол. Рус армиясидан қочаётган одамлар — Украинадаги урушнинг икки кунидан фоторепортаж

Украинадаги уруш ўн етти кундан бери давом этмоқда. 11 март куни Мариупол ҳукумати турар жойларнинг «аёвсиз» ўққа тутилиши оқибатида 1582 нафар тинч аҳоли ҳалок бўлганини маълум қилди. Россия томонидан босиб олинган Мелитопол шаҳрининг мэри ўғирлаб кетилди — Луганск ва Донецк халқ республикаларида у терроризмга ёрдам беришда гумон қилинаётгани айтилган. Россия Донбассга Яқин Шарқдан минглаб «кўнгиллилар»ни, шунингдек, рус ёлланма аскарларини жўнатмоқчи — Сергей Шойгунинг сўзларига кўра, Мудофаа вазирлиги «озодлик ҳаракати»да қатнашишни хоҳловчилардан 16 мингта ариза қабул қилиб олган».

12 март куни Украина президенти Владимир Зеленский Россия босқини бошлангандан буён 1300 нафар украиналик аскар ҳалок бўлгани ҳақида эълон қилди. Чернигов маҳаллий ҳокимияти вакилларининг маълум қилишича, ҳудуд электр, сув, газ ва иссиқлик таъминотисиз қолган. Москва ва Киев видеоалоқа орқали музокараларни давом эттирмоқда. Россия расмийлари Херсон вилоятида «ХХР квази-республикасини» ташкил этиш мақсадида референдум ўтказишни режалаштираётганликда гумон қилинмоқда. НАТО Норвегияда кенг кўламли ҳарбий машғулотларни бошлади. Meduza 11—12 март кунларида уруш зонасидан олинган асосий фотосуратларни тақдим қилди.

^{Ота ва ўғил яқинларини олиб кетаётган эвакуация поездини кузатиб қолмоқда. Поезд Киевдан Львовга боради. 11 март, 2022 йил
Фото: Reuters}

^{Киевдаги ерости автотураргоҳида аёл ҳудудий мудофаа кучлари ҳарбий хизматчисининг сочини олмоқда. 11 март, 2022 йил
Фото: AFP}

^{Украина қуролли кучларининг ҳарбий хизматчилари Луганск вилоятида. 11 март, 2022 йил
Фото: AFP}

^{Донецк вилоятининг Анадол қишлоғида ишдан чиқарилган танк. 11 март, 2022 йил
Фото: Reuters}

^{Львов яқинидаги Сопошин қишлоғида полиция катта сержанти Роман Рушишиннинг дафн маросими бўлиб ўтмоқда. Рушишин Луганск вилоятида ҳалок бўлган. 11 март, 2022 йил
Фото: AP Photo}

^{Ўт ўчирувчилар Днепрдаги авиазарба оқибатида вайрон бўлган пойабзал фабрикасида ёнғинни ўчирмоқда. 11 март, 2022 йил
Фото: AFP}

^{Киев осмонида ракета изи. 11 март, 2022 йил
Фото: AP Photo}

^{Киевдан Львовга поезд орқали эвакуация қилинаётган одамлар. 11 март, 2022 йил
Фото: Reuters}

^{Николаевдаги ўликхона ҳовлисида қопдаги жасадни кўтариб кетаётган эркаклар. Николаев вилояти маъмурияти раҳбари Виталий Кимнинг сўзларига кўра, 11 март куни Россия қўшинлари тинч аҳоли объектларини ўққа тутишда давом этган.
Фото: AFP}

^{Мариуполдаги отишмадан сўнг турар жой биносида юз берган портлаш. 11 март, 2022 йил
Фото: AP Photo}

^{Мариуполда турар жой майдони ўққа тутилганидан кейин ёнаётган уй. 12 март, 2022 йил
Фото: AP Photo}

^{Мариуполдаги Украина аскари. Бир ҳафтадан ортиқ қамалда қолаётган шаҳар электр, газ ва сувдан узилган. 12 март, 2022 йил
Фото: AP Photo}

^{Мариупол четидаги рус танки. 12 март, 2022 йил
Фото: AP Photo}

^{Мариуполдаги касалхона йўлагида боласи билан ўтирган аёл. Унинг иккинчи фарзанди шаҳардаги отишма пайтида ҳалок бўлган. 12 март, 2022 йил
Фото: AP Photo}