Украина кейинги бир неча ой давомида асосий озиқ-овқат маҳсулотлари билан таъминланган, мамлакат ҳукумати ҳам яқинда бошланиши керак бўлган экиш кампаниясини қўллаб-қувватлаш бўйича чора-тадбирларни амалга оширмоқда. Бу ҳақда Украина бош вазири Денис Шмигаль маълум қилди.
«Ҳукумат ҳарбий ҳолат даврида озиқ-овқат хавфсизлиги учун муҳим бўлган маҳсулотларни экспорт қилишни тақиқлади ёки чеклади. Гап буғдой, гречка, гўшт, тухум, сариёғ, шакар ва бошқалар ҳақида кетмоқда. Ҳозирча балансларда Украина асосий келгуси ойлар учун озиқ-овқат маҳсулотлари билан таъминланганлигини кўрсатмоқда. Лекин биз келажак ҳақида ҳам ўйлашимиз керак», деган Украина Вазирлар Маҳкамаси раҳбарининг сўзлар шанба куни ҳукумат веб-сайтида эълон қилинган.
Шмигалнинг қўшимча қилишича, бу борада мамлакат расмийлари «имкон қадар тезроқ бошланиши керак бўлган экиш кампаниясини қўллаб-қувватлаш» режасини амалга оширмоқда. Унга кўра, ҳукумат қишлоқ хўжалиги фаолиятини амалга ошириш билан боғлиқ харажатларни қоплаш учун кредитлар бўйича фоизларни қоплаш тўғрисидаги қарорни ҳам тасдиқлади. Украина бош вазири тадбиркорларни жанговар ҳаракатлар бўлмаган жойларда фаолиятини қайта бошлашга чақирди.
Украинадаги газ захиралари 9,5 миллиард куб метрни ташкил этади, уруш зонасидан ташқаридаги барча объектларда қазиб олиш давом этмоқда, деди Шмигал.
«Газ захиралари ҳозир тахминан 9,5 миллиард куб метр даражасида. Венгрия, Словакия ва Полшадан газ импорти давом этмоқда. “Укргаздобича” барча объектларда газ ишлаб чиқаришни давом эттирмоқда, тўғридан-тўғри тўқнашув чизиғида жойлашганлар бундан мустасно», - деган Украина вазирлар маҳкамаси раҳбари.
Украина ҳукумати қуролли кучларни қўшимча молиялаштириш учун маблағларни бўшатиб, мамлакат Захира жамғармасини қарийб 1,7 миллиард долларга оширишга қарор қилди, деди Шмигал. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
АҚШ Исроилга пули тўланган бульдозерларни бермади
Россия Курск вилоятидаги ҳудудларини қайтариб олишга 50 минг ҳарбий тўплади
НАТО собиқ қўмондони: “Путин Украинанинг тахминан 20 фоизини қўлга киритади”
Трампнинг ўғли Зеленский яқин орада «нафақадан» маҳрум бўлишини ёзди
Украина ҚК бош қўмондони: “Фронтдаги вазият мураккаб ва кескинлашиши мумкин”
Фронтдаги вазият: Россия ҳарбийлари Курск областида қарши ҳужумга тайёрланмоқда
Иммунитетни кўтариш учун 6 та энг яхши витамин
