Диетолог қонда қанд миқдорининг ошишини илк белгилари ҳақида маълумот берди

Америкалик диетолог-шифокор Сьюзан Келли қонда қанд миқдорининг ошишини илк белгилари ҳақида маълумот берди. Унинг тавсиялари «Eat This, Not That!» (ETNT) нашрида чоп этилган.

Мутахассиснинг таъкидлашича, қонда қанд миқдорининг ошишини асосий белгилари кўришнинг бузилиши ва бош оғриғи, тез-тез пешоб чиқариш, доимий чарчоқ ва очлик ва тўсатдан вазн йўқотиш, уйқусизлик ва кўнгил айниш бўлиши мумкин.

«Қанд миқдорининг кучли ошиши билан кўзнинг линзалари шишади, бунинг натижасида атрофдаги нарсаларни туман ичида кўринади. Бош оғриғи диабет билан тез-тез учрайдиган организмнинг сувсизланишидан келиб чиқиши мумкин», деб тушунтиради Келли.

Тез-тез пешоб чиқариш ҳам юқори қанд даражасининг белгисидир. Чунки тана унинг ортиқчасини йўқ қилишга ҳаракат қилади. Доимий чарчаш ҳисси ҳам муҳим аломат бўлиши мумкин, чунки организм глюкозани қайта ишлашга ёрдам бериш учун инсулинга чидамли бўлади. Ушбу энергия манбасидан маҳрум бўлган одамни, ҳатто етарлича ухлаган бўлса ҳам, чарчоқ таъқиб қилиши мумкин.

Худди шу сабабга кўра, Келлининг таъкидлашича, қанд даражаси юқори бўлган одамлар доимо оч қоладилар, кўп овқатланадилар, лекин вазн ҳам йўқотадилар. Бундан ташқари, бундай одамлар оёқ-қўлларида санчиб оғриши ва уйқусизлик кузатилиши мумкин. Бунинг сабаби эса кўп қанд асаб тугунларига зарар етказиши билан боғлиқ. Кўнгил айниши ҳам қанд даражасига боғлиқ муаммонинг яна бир белгиси бўлиши мумкин.

«Инсулинсиз жигар глюкозани қайта ишлай олмайди ва ёғларни кетонларга парчалашни бошлайди, бу қоннинг кислоталилигини оширади ва кўнгил айнишига олиб келиши мумкин», дейди мутахассис.

Шу боис юқоридаги аломатлар пайдо бўлганда, Келли дарҳол эндокринологга учрашишни тавсия қилмоқда.

Янгиликлар