18:13 / 18.04.2022

Урушнинг 53-куни: Мариуполда Россия ҳарбий техникаларининг карвони, Харьковда аёвсиз ўққа тутилаётган тинч аҳоли

Украинада уруш бошланганига 53 кун тўлди. Харьковнинг турар жой ҳудудларини ўққа тутиш давом этмоқда – сўнгги кунларда камида 18 нафар тинч аҳоли отишма қурбонига айланган. «Москва» крейсерида ҳалок бўлган россиялик ҳарбий хизматчилар ҳақида хабарлар пайдо бўлмоқда.

Владимир Путинга яқин бизнесмен Евгений Пригожин Донбассга келди; У «Вагнер» хусусий ҳарбий компаниясининг эгаси деб тахмин қилинади. Meduza 17 апрель куни уруш зонасидан олинган асосий фотосуратларни жамлади.

^{Харьков марказининг ўққа тутилиши вақтида яшириниш учун югураётган украиналик аскарлар. 17 апрель куни шаҳарнинг турар жой ҳудудларига уюштирилган ҳужумда беш киши ҳалок бўлди, яна 15 киши яраланди.
Фото: AP Photo}

^{Харьковдаги отишмалар пайтида бункерга яширинган қизлар.
Фото: Sopa Images}

^{Харьков бомбардимон қилинаётган пайтда қутқарувчилар ярадорларга ёрдам беришга уринмоқда.
Фото: AP Photo}

^{Шаҳарнинг ўққа тутилиши.
Фото: Reuters}

^{Ҳужум пайтида ҳалок бўлган тинч аҳоли вакилининг жасади.
Фото: EPA}

^{Бородянкадаги вайрон бўлган бинолар фонида Украина байроғи.
Фото: AFP}

^{Буча раёнидаги Микуличи посёлкаси аҳолиси чой тайёрламоқда. Уларнинг уйида 40 кундан ортиқ вақтдан буён электр, сув ва газ йўқ.
Фото: AP Photo}

^{Вайрон қилинган бинолар орасида ити билан кетаётган маҳаллий аҳоли вакили. Волноваха, Донецк вилояти.
Фото: «Коммерсантъ»}

^{Шаҳар кўчаларидан биридаги қабрлар. Рубижной, Луганск вилояти.
Фото: «ТАСС»}

^{Мариуполдаги кўчада тинч аҳолининг жасадлари.
Фото: Reuters}

^{Россия армияси ва ўзини ўзи республика деб эълон қилган Донецк ҳарбий полициясининг ҳарбий техникалар карвони, Мариупол.
Фото: «Коммерсантъ»}

^{Чеченларнинг «Аҳмад» баталони жангчилари Илич номидаги Мариупол металлургия комбинати ҳудудида. Россия Мудофаа вазирлиги комбинат «украин миллатчиларидан буткул тозалангани» ҳақида маълум қилган.
Фото: «ТАСС»}