Зеленский Киевга АҚШ давлат котиби ва мудофаа вазири ташриф буюришини маълум қилди

^{Фото: Reuters}
АҚШ давлат котиби Энтони Блинкен ва мудофаа вазири Ллойд Остин 24 апрел куни Киевга ташриф буюради. Бу ҳақда Украина президенти Владимир Зеленский маълум қилди.

"Эртага Киевга АҚШ вакиллари учиб келади, мен АҚШ давлат котиби жаноб Блинкен ва мудофаа вазири билан учрашаман", - деди у.

Зеленскийнинг сўзларига кўра, учрашувда президент Жо Байденнинг Украинага ташрифи масаласи кўтарилиши мумкин.

Украина президентининг қайд этишича, "Украинага зарур қуроллар рўйхати ва уларни етказиб бериш суръати муҳокама қилинади". «Замин»ни Telegram’да ўқинг!