АҚШдаги спот Bitcoin ЭТФ фондлари январ ойидан бери энг йирик кунлик маблағ чиқиб кетиш ҳолатини қайд этди. СоСоВалуе маълумотларига кўра, Bitcoin нархи 80 000 доллар даражасидан пастга тушиши ортидан чоршанба куни фондлардан 635,2 миллион доллар миқдорида капитал чиқиб кетган. Бу ҳақда Cointelegraph.com хабар беради.
Ушбу кўрсаткич олдинги савдо сессиясидаги 233,3 миллион долларлик чиқиб кетишни янада кучайтирди. Ҳафталик ҳисобда эса йўқотишлар 841,2 миллион долларни ташкил этмоқда. Бу ҳолат олти ҳафталик узлуксиз ўсишдан сўнг ЭТФ фондларининг илк бор салбий натижа қайд этишига олиб келиши мумкин.
Бозордаги ўзгарувчанлик инвесторларнинг апрель ойидаги энг паст кўрсаткичлардан сўнг 37 фоизга ўсган активлардан фойда кўриш мақсадида сотувларни амалга ошираётгани билан изоҳланмоқда. BlackRock компаниясининг иШарес Bitcoin Труст (ИБIT) фонди 285 миллион доллар билан энг катта йўқотишга учраган бўлса, АРК 21Шарес ва Фиделитй фондлари ҳам сезиларли даражада маблағ йўқотди.
Шу билан бирга, Этҳер (ЭТҲ) ЭТФ фондларида ҳам салбий тенденция давом этиб, чоршанба куни 36,3 миллион доллар чиқиб кетди. Бошқа томондан, Solana (СОЛ) билан боғлиқ фондлар 6 миллион долларлик кирим билан ижобий натижа кўрсатди, янги Ҳйперлиқуид (ҲЙПE) фонди эса ўзининг илк савдо кунларида 2,52 миллион доллар миқдорида соф киримга эришди.
“Zamin”ни Telegram'да ўқинг!
