Binance биржасида Bitcoin (БТК) бўйича чакана инвесторлар фаоллиги тарихий энг паст даражага тушди. 2026-йилда Binance платформасига ўртача ойлик чакана БТК киримлари 314 БТК ни ташкил этмоқда, бу 2024-йил март ойидаги 1200 БТК кўрсаткичидан кескин фарқ қилади. Сўнгги уч ҳафта ичида 30 кунлик соф талаб ўсиши 73 фоизга қисқарди. Бу ҳақда Cointelegraph.com хабар беради.
CryptoҚуант таҳлилчиси Даркфостнинг қайд этишича, 1 БТК дан кам маблағга эга ҳамёнлардан келиб тушаётган депозитлар чакана инвесторлар кайфиятини акс эттиради ва ҳозирда бу кўрсаткич рекорд даражада паст. 2022-йилги "айиқлар" бозорида бу рақам 1800 БТК атрофида бўлган бўлса, 2018 ва 2021-йиллардаги сиклларда мос равишда 5400 ва 2600 БТК гача етган эди.
Мутахассисларнинг фикрича, инвесторларнинг бундай хулқ-атвори уларнинг тўғридан-тўғри биржаларда БТК сақлаш ўрнига спот Bitcoin ЭТФ воситаларига ўтаётгани билан боғлиқ бўлиши мумкин. Шунингдек, Binance биржасида йирик сотув ҳажмлари кузатилди: 15-май куни 1,5 миллиард долларлик, кейинроқ эса 1,1 миллиард долларлик сотувлар амалга оширилди.
Бозор таҳлилчиси Краззйблокккнинг таъкидлашича, ҳозирги тикланиш жараёнида спот талабнинг мувозанати етишмаяпти. Олдинги ўсиш даврларида спот ва фючерс талаби биргаликда ошган бўлса, ҳозирги вазиятда фючерс талаби ижобий бўлишига қарамай, спот талаб 65 кун давомида салбий ҳудудда қолмоқда.
“Zamin”ни Telegram'да ўқинг!
