Bitcoin журналисти Джо Накамото тақдим этган ҳисоботга кўра, рақамли активларни ўғирлаш мақсадида криптовалюта эгалари ва уларнинг оилаларига қилинадиган жисмоний ҳужумларнинг (вренч аттаккс) қарийб 70 фоизи Францияда юз бермоқда. Маълумотларга кўра, 2026-йил бошидан буён ушбу мамлакатда крипто билан боғлиқ 41 та ўғирлаб кетиш ҳолати қайд этилган, бу эса ҳар икки ярим кунда битта ҳужум содир бўлаётганини англатади. Бу ҳақда Cointelegraph.com хабар беради.
Накамото бундай ҳужумлар кўпайишини КЙК (мижозни таниш) маълумотларининг тўпланиши билан боғламоқда. Марказлашган серверларда сақланадиган ушбу маълумотлар бир неча йирик сизиб чиқишлар, жумладан, 2020-йилда Ledger аппарат ҳамёнлари провайдерининг мижозлар базаси бузиб кирилиши оқибатида жиноятчилар қўлига тушган. Ушбу сизиб чиқиш бутун дунё бўйлаб 270 000 дан ортиқ мижознинг шахси, уй манзили ва электрон почтасини фош қилган.
Каса компанияси раҳбари Джеймсон Лоппнинг таъкидлашича, крипто ҳамжамиятида КЙК маълумотларини йиғишга қарши норозилик кучаймоқда. Рақамли актив эгалари жисмоний ҳужумлар ва ўғирлаб кетишлар нишонига айланаётгани сабабли, хавфсизлик чораларини кучайтириш зарурати туғилмоқда. Ҳужумлар одатда хорижда яшайдиган жиноятчилар томонидан ташкиллаштирилиб, Франциядаги ёшлар ижрочи сифатида ёлланмоқда.
Экспертлар фойдаланувчиларга хавфсизликни таъминлаш учун махсус кастомиал хизматлардан фойдаланишни тавсия қилмоқда. Бундай хизматлар ҳужум пайтида активларни музлатиб қўйиш ва ҳуқуқ-тартибот идораларини огоҳлантириш имконини беради. Шунингдек, ҳужумчиларни чалғитиш учун ичида оз миқдорда маблағ бўлган "ёлғончи" ҳамёнларни сақлаш ҳам самарали усул сифатида кўрсатилган.
“Zamin”ни Telegram'да ўқинг!
