Ондо Финансе асосчиси ва бош директори, блокчейн токенизацияси соҳасининг кашшофларидан бири Натан Аллман 32 ёшида оламдан ўтди. Компания душанба куни Х ижтимоий тармоғида эълон қилган баёнотда Аллманнинг кутилмаган вафоти муносабати билан чуқур қайғуда эканини маълум қилди ва унинг оила аъзоларига ҳамдардлик билдирди. Бу ҳақда Cointelegraph.com хабар беради.
Натан Аллман 2021-йилда Ондо Финансе лойиҳасига асос солган бўлиб, у реал дунё активларини (РВА) блокчейн тизимига олиб киришда муҳим рол ўйнаган. Унинг раҳбарлигида компания 3,86 миллиард долларлик АҚШ ғазначилик облигациялари, акциялар ва товарларни токенизация қилишга муваффақ бўлди. Ҳозирда 111 мингдан ортиқ инвесторлар Ондо томонидан чиқарилган токенлаштирилган активларга эгалик қилмоқда.
Аллман томонидан бошланган токенизация ҳаракати BlackRock каби Валл Стреэт гигантларининг эътиборини тортди. У Ондо лойиҳасини бошлашдан аввал Goldman Sachs компаниясининг рақамли активлар жамоасида ишлаган, шунингдек, ЧаинСтреэт Капитал крипто-хеж-фондига асос солган эди. Мутахассислар унинг технологиялар орқали янада очиқ ва қулай молиявий тизим яратишга бўлган ишончини юқори баҳолашган.
Компания президенти Иан Де Боде эндиликда бош директор лавозимини эгаллаши маълум қилинди. Де Боде ўз баёнотида Аллман нафақат кучли визионер, балки яқин дўст бўлганини таъкидлаб, унинг миссияси ва Ондо лойиҳасининг мақсадлари ўзгаришсиз қолишини билдирди. Ҳозирча ўлим сабаблари ҳақида батафсил маълумот берилмаган.
“Zamin”ни Telegram'да ўқинг!
