Фалкон Финансе компанияси Анчораге Дигитал Банкнинг федерал тартибга солинадиган платформаси орқали АҚШ долларига боғланган фУСД стейблкоинини ишга туширди. Ушбу янги актив қисқа муддатли АҚШ ғазначилик облигациялари (Треасурйс), нақд пул ва репо шартномалари билан таъминланган. фУСД асосан институционал савдо, гаров таъминоти ва ғазначилик иш жараёнлари учун мўлжалланган бўлиб, дастлаб Сеффунинг МиррорRSВ тизими орқали гаров сифатида қўлланилади. Бу ҳақда Cointelegraph.com хабар беради.
Лойиҳа муаллифларининг таъкидлашича, фУСД резерв структураси АҚШда стейблкоинлар учун федерал қоидаларни ўрнатувчи ГEНИУС Акт стандартларига мувофиқ ишлаб чиқилган. Фалкон Финансе вакили Артем Толкачевнинг сўзларига кўра, токен эмиссияси ва мукофот тўловлари бир-биридан ажратилган. Бу усул даромад келтирувчи стейблкоинларга нисбатан қўйилиши кутилаётган чекловларни четлаб ўтиш ва қонунчиликка тўлиқ мослашиш мақсадида жорий этилган.
Шу билан бирга, СоФи банки ҳам ўзининг СоФиУСД деб номланган долларли стейблкоинини тақдим этди. Бу АҚШ миллий банки томонидан чиқарилган ва бевосита истеъмолчи банк иловасида фойдаланиш мумкин бўлган биринчи стейблкоин ҳисобланади. Фойдаланувчилар ушбу токенни Ethereum ва Solana блокчейнлари орқали ўтказишлари, сотиб олишлари ва сақлашлари мумкин.
СоФи келгуси ҳафталарда ушбу маҳсулотни токенизация қилинган депозитлар, трансчегаравий тўловлар ва биржа интеграциялари билан кенгайтиришни режалаштирмоқда. Келажакда фойдаланувчилар стейблкоинни банк ҳисобварақларига боғланган фоиз келтирувчи активларга айлантириш имкониятига эга бўладилар. СоФиУСД активлари 1:1 нисбатда УСДга айирбошланади ва СоФи Банк томонидан сақланадиган ликвид активлар билан кафолатланади.
“Zamin”ни Telegram'да ўқинг!
