Cardano Фоундатион бошқарув ҳамжамияти тадбирни ғазна токенлари ҳисобидан молиялаштириш бўйича қайта кўриб чиқилган таклифни рад этганидан сўнг, 2026-йилги йиллик конференциясини бекор қилди. Жамғарма жума куни якунланган овоз бериш жараёнидан сўнг, жамоатчилик қарорини ҳурмат қилишини ва бошқарув нафақат иштирок этишни, балки жамоавий қарорларни қабул қилиш мажбуриятини ҳам англатишини маълум қилди. Бу ҳақда Cointelegraph.com хабар беради.
Мазкур таклиф доирасида тадбирни ўтказиш учун қиймати 1,84 миллион долларга тенг бўлган 7,8 миллион Cardano (ADA) токенларидан фойдаланиш кўзда тутилган эди. Овоз бериш натижаларига кўра, иштирокчиларнинг 65,2 фоизи лойиҳани қўллаб-қувватлади, бироқ бу кўрсаткич қарор қабул қилиниши учун зарур бўлган 66,67 фоизлик чегарадан бироз камлик қилди. Cardano Суммит деб номланган конференция 5-6-октабр кунлари Сингапурда бўлиб ўтиши режалаштирилган эди.
Ушбу овоз бериш жараёни Cardano асосчиси Чарлес Ҳоскинсон ва ғазна харажатларини қисқартиришни талаб қилаётган Делегатед Репресентативес (ДРепс) ўртасидаги бир неча ойлик келишмовчиликларнинг давоми бўлди. Аввалроқ, 9-май куни ДРепс вакиллари 14 миллион ADA токенини сарфлашни назарда тутувчи шунга ўхшаш таклифга қарши чиққан эди. Ўшанда вакилларнинг атиги 10 фоизи лойиҳани ёқлаган, бу эса жамғармани сўралаётган маблағ миқдорини камайтиришга мажбур қилган эди.
Конференция бекор қилинганига қарамай, Cardano блокчейнининг инвестиция бўлими ҳисобланган ЭМУРГО компанияси 7-8-октабр кунлари Сингапурда ўтадиган ТОКEН2049 конференциясида экотизим номидан қатнашиш бўйича таклифни тасдиқлатишга муваффақ бўлди. Чарлес Ҳоскинсон ҳозирда ТОКEН2049 доирасида стенд кўламини кенгайтириш ва у ерда кичик форматдаги "MiniСуммит" ташкил этиш имкониятларини кўриб чиқмоқда.
Ҳозирги вақтда Cardano токенининг бозор капитализацияси 8,8 миллиард долларни ташкил этади. Бироқ, тармоқнинг протоколда блокланган умумий қиймати (ТВЛ) 129 миллион доллардан кам бўлиб, бу кўрсаткич бўйича у блокчейнлар рейтингида 28-ўринни эгаллаб турибди.
“Zamin”ни Telegram'да ўқинг!
