Департамент органлари томонидан ўқишга киритиб қўйиш ва ўқишни кўчириб бериш билан боғлиқ фирибгарлик ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Бош прокуратура ҳузуридаги Департамент ҳамда ДХХнинг Чилонзор тумани бўлимлари томонидан ўтказилган тезкор тадбирда, “R.C.” МЧЖ таъсисчиси ва раҳбари С.К. фуқаро М.ни гўёки юқори лавозимларда ишловчи танишлари орқали 10 000 доллар эвазига Тошкент тиббиёт академиясига ўқишга киритиб қўйишга келишиб, шундан 5 000 долларни олган вақтида ашёвий далиллар билан ушланган.
Департамент ҳамда ДХХнинг Сирдарё вилояти бошқармалари томонидан ўтказилган тезкор тадбирда, фуқаро О.У. бошқа бир фуқаро А.ни юқори лавозимда ишловчи танишлари ёрдамида Гулистон давлат университетига ўқишга киритиб қўйиши эвазига 5 000 долларни олган вақтида ашёвий далиллар билан ушланган.
Департамент ҳамда ДХХ Самарқанд вилояти бошқармалари томонидан ўтказилган тезкор тадбирда эса, Самарқанд давлат чет тиллар институтида тютор вазифасида ишловчи Ш.Т. фуқаро Ф.ни 3 500 доллар эвазига қўшни Қозоғистондаги олий таълим муассасаси 1-курсини тугатгани тўғрисида ҳужжат тайёрлаб бериш орқали ўзи ишлаётган институт 2-курсига ўқишга киритиб қўйишга келишиб, олдиндан 2 000 долларни олганида ашёвий далиллар билан ушланган.
Департамент Янгиҳаёт туман бўлими томонидан ўтказилган тезкор тадбирда, фуқаро Ж.С. бошқа бир фуқаро П.ни танишлари ёрдамида қўшни Қозоғистондаги университет 2-курсини тугатгани тўғрисида ҳужжатларни тайёрлаб бериш орқали Тошкентдаги университетлар бирига 3-курсига киритиб қўйишни ваъда қилиб, эвазига олдиндан келишилган 2 500 долларни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Энди операциядан сўнг кесмалар ўрни икки баробар тезроқ битиши мумкин
Apple донгдор икки айфонини расман эскирган деб эълон қилди
Россиялик депутат: «Олий маълумотлиларнинг курерлик қилиши — ватанпарварликка зид»
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Жо Байден: “Баъзан хотиним мени космосга жўнатиш билан таҳдид қилади”
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Хатолар ва мағлубиятлар... улар кечириладими?
Омега-3 қандай қилиб озишга ёрдам беради?
