Андижонда пора талаб қилган “Халқ банки” банк бошқарувчиси ушланди

^{Фото: Ижтимоий тармоқлар}
“Халқ банки” Пахтаобод филиали бошқарувчиси МЧЖ банкда таъминотчи корхона сифатида фаолият юритишига шароит яратиб бериши учун ҳар бир йўналтириб берилган кредит суммасининг 2 фоизини ҳар ойда бериб турилишини талаб қилган.

Kun.uz манбаларининг хабар беришича, ҳуқуқ-тартибот идоралари томонидан ўтказилган тезкор тадбирда, “Халқ банки” Пахтаобод филиали бошқарувчиси Ф.Қ. 1,7 млн сўм ва 300 АҚШ долларини пора сифатида олаётганда қўлга олинган.

У тадбиркор У.Х. раҳбарлигидаги МЧЖнинг банкда таъминотчи корхона сифатида фаолият юритишига шароит яратиб бериши учун ҳар бир йўналтириб берилган кредит суммасининг 2 фоизини ҳар ойда бериб туришини талаб қилган.

Хусусан, банк бошқарувчиси жамиятга ўтказиб берилган жами 745 млн сўм кредит ҳисобидан аввалроқ 8 млн сўмни олган бўлиб, қолган пулларни олаётган вақтда ашёвий далиллар билан ушланган.

Ҳозирда мазкур ҳолат юзасидан терговга қадар текширув ишлари олиб борилмоқда. “Замин” янгиликларини “Telegram”да кузатиб боринг