Россия президенти Ўзбекистон раҳбари Шавкат Мирзиёевга Александр Невский орденини топширди, деб хабар қилмоқда Sputnik.
Июль ойида Путин Мирзиёевни Россия ва Ўзбекистон ўртасидаги дўстлик ва ҳамкорликни мустаҳкамлашга қўшган катта ҳиссаси учун Александр Невский ордени билан тақдирлаган эди.
Владимир Путин Шавкат Мирзиёевга Александр Невский орденини топширди
"Сиз Россиянинг ушбу юксак мукофотига ҳаммадан кўпроқ лойиқсиз. Кўп жиҳатдан сизнинг шахсий эътиборингиз туфайли Россия-Ўзбекистон муносабатлари барча соҳаларда: сиёсатда, иқтисодда, фан ва маданиятда муваффақиятли ривожланмоқда", - деди Путин.
Шавкат Мирзиёев Путинга орден билан тақдирлангани учун миннатдорлик билдирди.
“Қанчалик қийин бўлмасин, биз (Россия ва Ўзбекистон билан боғлиқ) масалаларни биргаликда ҳал қилиш учун туташиш нуқталарини топамиз", – деди Ўзбекистон раҳбари.
Александр Невский ордени
Маълумот учун, Россиянинг Александр Невский ордени билан хорижий сиёсат ва жамоат арбоблари, ишбилармон вакиллари Россия билан кўп томонлама ҳамкорликнинг ривожланишига кўрсатган хизматлари учун мукофотланиши мумкин.
Эслатиб ўтамиз, Самарқандда Шанхай ҳамкорлик ташкилоти (ШҲТ) саммити доирасида Ўзбекистон президенти Шавкат Мирзиёевнинг россиялик ҳамкасби Владимир Путин билан музокаралари бўлиб ўтмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
