Тошкент вилояти ҳокими Зоир Мирзаев 7 октябрь куни Оҳангарон шаҳрида ўтказган сайёр қабулда ноқонуний уй қуришга рухсат сўраб келган мурожаатчига дакки берди.
— Шухрат Раззаков (@ShuhratRazzakov) October 10, 2022
Қабулда вилоят раҳбари Бўка туманидан келган фуқаро билан мулоқот қилган. Мурожаатчи ўзининг яшаб турган ерида уй қурмоқчилиги, лекин архитектура бўлимидагилар катта йўл бўйидан маълум узоқликда қуришни тавсия берган. Агар қурса ҳам бу ноқонуний бўлиши ва вақти келиб бузиб юборилишини айтган. Шу боис мурожаатчи вилоят раҳбаридан қурилишга рухсат беришини сўраган.
«Тўғри-да. Уларнинг айтганини қилинг. Икки йилдан кейин йўл кенгайса, уйингизни бузишга тўғри келиб қолади», — дея жавоб берган Зоир Мирзаев.
Шунда, мурожаатчи, «Ноқонуний бўлса ҳам қуриб, фойдаланиб турайлик. Эртага буз, деса бузаверамиз», — дея яна қурилишга рухсат беришини сўраган.
«Ҳозир шундай дейсиз. Зўрға суялиб турган кучукни уяси бўлса ҳам биров буз, деса бир хил кишилар тиллага тенглаштириб юборади. Ноқонуний бўлса ҳам қурайлик, деган гапни гапирманг. Сиз, оқсоқол, бошқаларга ўрнак бўладиган ёшдасиз. Оқсоқоллар қонунни бузайлик деб турса, биз ёшлардан нима қутайлик?», — деган вилоят раҳбари.
Ушбу қабулда Зоир Мирзаев яқинда беш миллион олган аёлнинг мурожаатини рад қилганди. Шунингдек, мурожаатчиларга аввал Олмалиқ ва Оҳангарон шаҳри, Оҳангарон тумани ҳокимига мурожаат қилишни, ҳал бўлмаса, кейин вилоят раҳбарига учрашишни айтганди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
