Тошкент шаҳрида автомобиллар ҳаракатланиш тезлигини соатига 60 ва 50 километргача пасайтириш қарори қабул қилиниши кенг жамоатчиликда турли саволларни уйғотмоқда. Хўш, қарорда белгиланган кўчаларда 60 ва 50 км.гача ҳаракатланиш тартибига амал қилиш бошландими? Йўл белгилари ҳамон 70 км/соат тезлик чекловини кўрсатар экан, ҳайдовчилар қайси таомилга кўра ҳаракатланишлари керак? Kun.uz шу каби саволларга жавоб олиш мақсадида Тошкент шаҳар ИИББ ЙҲХБ ахборот хизмати бошлиғи Қаҳрамон Худойбергановдан изоҳ олди.
Мутасаддининг таъкидлашича, 10 октябрда халқ депутатлари Тошкент шаҳар кенгаши томонидан қабул қилинган қарор ортидан Вазирлар Маҳкамаси ҳузуридаги Махсус комиссия қарори ҳам қабул қилиниши лозим.
“Махсус комиссия қарори чиқиб, кучга киргандан сўнг Тошкент шаҳридаги Кичик ҳалқа айланма йўлида автотранспорт воситаларининг ҳаракатланиш тезлиги 60 км/соат қилиб белгилаб берилади. Бундан ташқари ўнлаб марказий кўчаларда эса ҳаракатланиш тезлиги 50 км/соат этиб белгиланади”, – дейди Қаҳрамон Худойберганов.
Шу ўринда савол туғилади: Ҳайдовчилар пойтахт кўчаларида ҳаракатланиш бўйича янги чекловлар ўрнатилганини қандай билишади? Огоҳлантирувчи ва тақиқловчи йўл белгиларини ўрнатиш ишлари қачондан бошланади?
Маълум бўлишича, бу бўйича Йўл харитаси ишлаб чиқилган бўлиб, унга асосан йўл белгилари ва йўл элементларини босқичма-босқич ўрнатиш ишлари бошланган.
Тошкент шаҳар ИИББ ЙҲХБ мулозимининг айтишича, янги чекловлар кучга кириши ҳақида расман эълон қилингунга қадар ҳайдовчилар амалдаги тезликда ҳаракатланишлари мумкин, бунинг учун ҳаракат иштирокчилари жаримага тортилмайди.
“Ҳозирги кундаги белгиланган тезликлар амалда. Депутатлар Кенгашининг сессиясида қабул қилинган қарордан сўнг Махсус комиссиянинг қарори чиқиши лозим. Ана шу қарор чиққандан сўнг тезликни чеклаш кучга киради”, дейди Қаҳрамон Худойберганов.
Аввалроқ Тошкент шаҳрининг кўчаларида автомобилларнинг ҳаракатланиш тезлиги соатига 60 ва 50 километргача чеклангани ҳақида хабар бергандик.
Унга кўра Кичик ҳалқа автомобил йўлидан марказга йўналган барча кўчаларда транспорт воситаларининг юқори тезлиги соатига 60 км.гача чекланади.
Шу билан бирга, Алишер Навоий шоҳкўчасининг Лабзак кўчаси ва Шароф Рашидов шоҳкўчаси оралиғидаги қисмида, Махтумқули кўчасининг Яҳё Ғуломов ва Мирзо Улуғбек кўчалари оралиғидаги қисмида, Амир Темур шоҳкўчасининг КҲАЙдан Алишер Навоий шоҳкўчаси оралиғидаги қисмида, Кичик ҳалқа автомобил йўлининг Қатортол кўчаси ва Бунёдкор шоҳкўчаси оралиғидаги қисмида, Ислом Каримов кўчасининг Анҳор бўйи кўчаси ва Шароф Рашидов шоҳкўчаси оралиғидаги қисмида, Тарас Шевченко кўчасининг Ислом Каримов ва Нукус кўчалари оралиғидаги қисмида, Бобур ва Фурқат кўчасининг Шота Руставели ва Ислом Каримов кўчалари оралиғидаги қисмида, Амир Темур хиёбони айланма йўлида транспорт воситаларининг ҳаракат тезлиги соатига 50 км.гача чекланади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Шимолий Корея янги кўрсаткичларга эга баллистик ракетани синовдан ўтказди
“Рома” Шомуродов учун яна 8 миллион евро харажат қилади!
Ўзбекистонликлар доимий яшаш учун кўпроқ қайси давлатларга кўчиб кетмоқда?
D витамини дозасини ошириб юборишнинг хавфли оқибатлари
“Умра” зиёратига бориб келиш тартиби такомиллаштирилади
Пневматик қуролларни ўз ихтиёри билан топширганлар жавобгарликдан озод этилади
Жиззахда учта юк машинаси иштирокида ЙТҲ содир бўлди
