Тошкентда от ўғрилари ушланди

Жорий йилнинг 28 ноябрь куни, номаълум шахслар, 18 ёшли Фахриддин Ғ.га тегишли жами 28.000.000 сўмлик 2 та отни ўғирлаб, воқеа жойидан яширинганлар. Бу ҳақда Тошкент шаҳри, Янгиҳаёт тумани ИИО ФМБга хабар келиб тушган.

Кўрилган чора-тадбирлар натижасида, ушбу жиноятни содир этишда гумон қилинган 34 ёшли Шухрат Х. ва 22 ёшли Холмурод С.лар аниқланиб, қўлга олинган. Отлар эгасига қайтарилган.

Мазкур ҳолат юзасидан Ўзбекистон Республикаси Жиноят кодексининг 169-моддаси (Ўғрилик) билан жиноят иши қўзғатилиб, гумонланувчиларга нисбатан қамоқ эҳтиёт чораси танланган. Тергов давом этмоқда. «Замин»ни Telegram’да ўқинг!