Тошкентда Cobalt йўлдан ўтаётган она-болани уриб юборди (видео)

^{Кадр: Telegram}
Тошкент шаҳри Шайхонтоҳур туманида 3 декабрь куни Cobalt йўлдан ўтаётган она ва болани уриб юборди. Бу ҳақда Йўл ҳаракати хавфсизлик хизмати хабар берди.

Таъкидланишича, 1973 йилда туғилган V.И. Cobalt автомобилини Зулфияхоним кўчасида бошқариб кетаётиб, пиёдалар — 1991 йилда туғилган З.П. ва унинг фарзанди — 2016 йилда туғилган К.М.ни уриб юборган.

pic.twitter.com/Zq8N33s6p6

— Шухрат Раззаков (@ShuhratRazzakov) December 7, 2022

Оқибатда пиёда З.П. тан жароҳатлари билан касалхонанинг жонлантириш бўлимига ётқизилган. Фарзанди К.М.нинг аҳволи қониқарли бўлгани учун тиббий кўрикдан сўнг уйига юборилган.

Ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 1-қисми билан жиноят иши қўзгатилган. Тергов ҳаракатлари давом этмоқда. “Замин” янгиликларини “Telegram”да кузатиб боринг