Қўқон шаҳрида қарздор ота 85 млн. сўм алимент пулларини олдиндан тўлади

Барчамизга маълумки, оила муқаддас даргоҳ, унда дунёга келган фарзандлар ҳимоясиз бўлиб, энг аввало ота-онанинг парвариши ва таъминотига муҳтож бўлади. Қонунчилигимизда, боланинг вояга етгунига қадар унинг таъминоти, таълими ва тарбияси учун бевосита ота-она жавобгарлиги белгилаб қўйилган.

ФИБ Қўқон туманлараро судининг 15.09.2013 йилдаги суд буйруғига кўра, қарздор А.Ш.дан ундирувчи А.З.нинг фойдасига бир нафар вояга етмаган фарзандининг вояга етгунига қадар ҳар ойда жами даромадининг 1/4 қисми миқдорида алимент ундирилиши белгиланган бўлиб, давлат ижрочиси томонидан қарздорга унинг ҳуқуқ ва мажбуриятлари тушунтирилган.

Қарздор А.Ш. 30.11.2022 йил куни ундирувчи А.З. билан ўзаро келишган ҳолда 1 нафар фарзандини 18 ёшга тўлгунига қадар бўлган давр учун ҳисобланган 85.000.000 сўм алимент пулларини олдиндан тўлиқ тўлаб берди ва ижро ҳужжати тамомланди. “Замин” янгиликларини “Telegram”да кузатиб боринг