Андижондаги ёнғинда уй эгасининг уч нафар фарзанди ёниб кетди

^{Фото: «Дарё»}
Андижон шаҳридаги хонадонда содир бўлган ёнғинда мудҳиш фожиа юз берди.

Вилоят ФВБ матбуот хизмати хабар беришича, ёнғин 22 декабрь куни соат 19:15 да «Далварзин» МФЙ, С.Абдулла 5-тор кўчасидаги уйда юз берган. Ёнғин жойига 4 та ёнғин-қутқарув экипажи соат 19:19 да етиб бориб, соат 19:22 да ёнғин ўраб олиниб, 19:32 да ўчирилган.

Ҳодиса оқибатида уйнинг 70 квадрат метр майдонда шифт, том қисми ва уй жиҳозлари ёнган. Уйнинг 180 квадрат метр майдони ёнғиндан сақлаб қолинган.

Ёнғин ўчириш вақтида уй эгасининг фарзандлари — 2007 йилда туғилган Ш.Р., 2009 йилда туғилган Ш.Р., 2017 йилда туғилган Ш.М.нинг 100 фоиз куйган ҳолда жасади топилган.

Айни пайтда ёнғин сабаби ва зарари аниқланмоқда. “Замин” янгиликларини “Telegram”да кузатиб боринг