Газ таъминотидан 861 млн сўм қарздор бўлган иссиқҳона хатланди

Боғот туманлараро иқтисодий судининг 09.08.2022 йилдаги ижро ҳужжатига асосан қарздор “R.A.H” МЧЖдан ундирувчи “Ҳудудгазтаъминот” АЖ фойдасига жами 861,2 млн. сўм ундириш тўғрисидаги ижро ҳужжати Бюронинг Боғот тумани бўлими иш юритувига келиб тушган ва ижро ҳаракатларига киришилган.

Ижро ҳужжати юзасидан гаровга қўйилган қарздорга тегишли “Замонавий типдаги иссиқхона” бино иншоотлари ва ускуналари хатланди. Ҳозирда, Бюронинг Боғот тумани бўлими томонидан ижро иши юзасидан қарздорликни бартараф қилиш бўйича тегишли чоралар кўрилмоқда.