Тошкентга “King Long” русумли 10 та “гармошка” автобус олиб келинди

“Тошшаҳартрансхизмат” АЖ матбуот хизматининг маълум қилишича, 26 март куни Тошкентга Хитойнинг “Yutong Bus Co Ltd” компанияси томонидан ишлаб чиқарилган 52 та 12 метрли автобус олиб келинди. Қайд этилишича, уларнинг 33 таси электрда, 19 таси эса газда ҳаракатланади.

Шунингдек, худди шу куннинг ўзида “Xiamen King Long United Automotive Industry Co. Ltd” компаниясининг табиий газда ишлайдиган 10 та 18 метрли “гармошка” автобуси ҳам келтирилди. Ҳозирда “гармошка”лар магистрал йўлларда синаб кўрилмоқда.

Таъкидланишича, автобуслар ҳақиқатан ҳам Тошкент кўчаларида бемалол ҳаракатланса, уларни йўналишларга тақсимлаш бошланади. Аммо ҳозирча бу муддат маълум эмас.

Шухрат Раззаков

«ЗАМИН.УЗ» муҳаррири