Хоразмда меҳрибонлик уйи қизлари билан жинсий алоқа қилган мансабдорлар иши судда қайта кўриб чиқилади
Хоразмда оилавий болалар уйи раҳбари уч нафар вояга етмаган тарбияланувчини 10 ой давомида вилоят адлия бошқармаси ва туман фавқулодда вазиятлар бўлими бошлиқлари билан жинсий алоқада бўлишга мажбурлагани ҳақида хабар берилганди.
Олий суднинг жиноят ишлари бўйича судлов ҳайъатига 3 апрель куни Хоразм вилоят суди жиноят ишлари бўйича судлов ҳайъати апелляция инстанциясининг 2022 йил 27 декабрдаги ажримини А. М. ва А. Қ.га оид қисмини бекор қилиб, ишни янгитдан апелляция инстанцияси судида кўриш учун юбориш тўғрисидаги вилоят прокуратурасининг кассация тартибидаги протести келиб тушди.
Ушбу протест Олий суднинг жиноят ишлари бўйича судлов ҳайъатида кассация тартибида жорий йилнинг 6 апрель куни Жиноят-процессуал кодексининг 19-моддаси (судда жиноят ишларининг ошкора кўрилиши) талабларига мувофиқ ёпиқ суд мажлисида кўриб чиқилиши маълум қилинади.
Қўшимча маълумот суд жарайони якуни бўйича берилади.
“Замин” янгиликларини “Telegram”да кузатиб боринг
