Саида Мирзиёева Қўқондаги институтда қизлар хонасига камера ўрнатилганига муносабат билдирди

Саида Мирзиёева 5 апрель куни олий таълим, фан ва инновациялар вазири Иброҳим Абдураҳмонов билан учрашиб, таълим соҳасидаги масалаларни муҳокама қилди.

Қайд этилишича, учрашувда Қўқон педагогика институтида содир бўлган воқеа ҳамда талаба қизларнинг ҳуқуқларини ҳимоя қилиш, уларга нисбатан зўравонликларнинг олдини олиш чоралари муҳокама қилинган.

“Таълим тизими ҳар қандай зўравонликка қарши курашни бошлашимиз керак бўлган асосий пунктдан биридир”, — деб ёзади Президент администрацияси шўба мудири.