Саида Мирзиёева БАА Ички ишлар вазирлиги Халқаро ҳамкорлик бюроси директори билан учрашди
Саида Мирзиёева БАА Ички ишлар вазирлиги Халқаро ҳамкорлик бюроси директори Дана Ҳумаид билан самарали учрашув ўтказди. Бу ҳақда у ўзининг Telegram’даги канали орқали хабар берди.
Қайд этилишича, суҳбат мавзуси аёллар ва вояга етмаганлар ҳуқуқларини ҳимоя қилиш ҳақида бўлган. Ўзбекистонда яқинда ушбу тоифадаги фуқароларга нисбатан жиноят учун жавобгарлик кучайтирилди.
“БАА ҳам бу борада бой тажрибага эга. Ҳумаид хоним жамоатчилик, давлат идоралари ва диний ташкилотлар билан ҳамкорлик ва тушунтириш ишлари қандай олиб борилаётгани ҳақида сўзлаб берди”, — деб ёзади у.
Учрашувда болаларни интернетдаги бузғунчи контентдан ҳимоя қилиш чоралари ҳам муҳокама қилинган.
3 май куни Президент администрацияси шўба мудири Саида Мирзиёева Германиянинг Берлин шаҳрида жойлашган Музейлар оролида экспонатлар билан танишгани тўғрисида хабар берилганди.
“Замин” янгиликларини “Telegram”да кузатиб боринг
