Қашқадарёда “Жигули”да ёнғин чиқиб, портлаб кетди (видео)

Қашқадарёнинг Чироқчи туманида “Жигули”да ёнғин чиқиб, портлаб кетди. Ҳолат акс этган видео ижтимоий тармоқларда тарқалди.

Вилоят ФВБ матбуот хизмати берган маълумотга кўра, 13 май куни соат тахминан 20:43 ларда Чироқчи тумани “Чоштепа” МФЙ Сайидобод кўчасида “Ваз-2101”  машинаси ёнаётгани тўғрисида тумани ФВБ га хабар келиб тушган.

Хабарга кўра, зудликда битта ёнғин қутқарув экипажи соат тахминан 20:47 ларда манзилга етиб борган ва ёнғинни соат 20:55 ларда тўлиқ бартараф этган.

Маълум бўлишича ушбу автомобиль Чироқчи туманида яшовчи фуқаро А.Т. бошқарувида бўлган. Ҳодиса оқибатида тан жароҳати олганлар ва ҳалок бўлганлар йўқ.

Ҳозирда ёнғин сабаблари ва зарари аниқланмоқда.

Шухрат Раззаков

«ЗАМИН.УЗ» муҳаррири