Олтин изловчилар усулида фаолиятни амалга оширишга 283 та объект аукционга қўйилди

Олтин изловчилар усулида фаолиятни амалга оширишга 283 та объект аукционга қўйилган, жорий йилда янги 13 та объект аукционга чиқарилди. Бу ҳақда Тоғ-кон саноати ва геология вазирлиги мутасаддилари иштирокида ўтказилган матбуот анжуманида маълум қилинди.

Қайд этилишича, 2023 йил январь-июнда минерал хомашё базасини ривожлантириш давлат дастури доирасида 293 геологик лойиҳа бўйича геология-қидирув ишларига йиллик режага нисбатан 53 фоиз бюджет ҳамда 42 фоиз махсус ҳисобдаги маблағлар ўзлаштирилган.

Давлат дастури доирасида йиллик режага нисбатан 47 фоиз бурғилаш ишлари, ерусти тоғ-кон ишлари 51 фоиз, ерости тоғ-кон ишлари 46 фоиз, сейсмик қидирув 56 фоиз ва 3D сейсмик қидирув иш ҳажмлари 55 фоиз кўрсаткич билан амалга оширилган.

Прогноз ресурслар бўйича олтин – йиллик режага кўра 46 фоиз, кумуш – 43 фоиз, мис – 55 фоиз, уран – 44 фоиз, қўрғошин – 52 фоиз, рух – 51 фоиз, вольфрам – 54 фоиз, углеводород – 62 фоизга ўстирилган. Нефть ва газга 61 фоизлик янги истиқболли майдон ажратилган.

Янгиликлар