Ўзбекистон фуқаролигига даъвогарлар учун янги хизмат ишга туширилди

Ҳукумат қарори билан Ўзбекистон фуқаролигини қабул қилишда давлат тилини билиш даражасини аниқлаш тартиби тўғрисидаги низомга ўзгартиришлар киритилди.

Киритилган ўзгартиришлар чет элликлар ва фуқаролиги бўлмаган шахсларга фуқароликни олишда давлат тилини билиш даражасини аниқлаш учун давлат хизматлари марказлари ёки ЯIDXP орқали мурожаат қилиш имкониятини яратмоқда.

Бундан ташқари, мурожаатчилар ҳудудий имтиҳон комиссиясининг давлат тилини билиш даражасини аниқлаш бўйича қароридан норози бўлган тақдирда апелляция шикояти бериши мумкин.

Апелляция имтиҳон натижалари эълон қилинган кундан бошлаб 5 иш куни ичида давлат хизматлари марказлари ёки ЯIDXP орқали берилади.

Бундай ҳолда, имтиҳон натижалари эълон қилинган кундан бошлаб 10 кун ичида апелляция имтиҳони ўтказилади, унинг натижасида қуйидаги қарорлардан бири қабул қилинади:

Синов имтиҳони натижаларини ўзгаришсиз қолдириш ва апелляциянинг қондирилишини рад этиш;
Синов имтиҳони натижаларини ўзгартириш ва апелляцияни қондириш;
Синов имтиҳони натижаларини бекор қилиш ва такрорий синов имтиҳони ўтказилишини тайинлаш.

Агар талабгор томонидан кўрсатилган далиллар тасдиқланмаса, апелляциянинг қолдирилишини рад этиш тўғрисида қарор қабул қилинади. Талабгор апелляция комиссияси қароридан норози бўлган тақдирда, судга мурожаат қилиш ҳуқуқига эга.

Янгиликлар