Вилоят 4-сектор раҳбари Қибрайда сайёр қабул ўтказди

Бугун Тошкент вилояти солиқ бошқармаси бошлиғи, вилоят 4-сектори раҳбари Аловитдин Инагамов Қибрай туманининг Ботаника, Ёшлик, Дарҳон ҳамда Оқ-олтин маҳалла аҳолиси билан сайёр қабул ўтказди.

Сайёр қабулда туман секторлари раҳбарлари, мутасадди идора ва ташкилотлар масъуллари иштирок этдилар.

Аҳоли билан мулоқот давомида электр энергияси, ичимлик суви, болалар майдончаси қуриш, ички йўлларни таъмирлаш, даволанишга амалий ёрдам бериш, бандликни таъминлаш каби кўплаб масалалар юзасидан мурожаатлар қабул қилинди.

Сайёр қабул давомида 22 та фуқародан 44 та мурожаат келиб тушган бўлса, айрим мурожаатлар шу ернинг ўзида қаноатлантирилиб, маълум муддат талаб қилинадиган масалалар тегишли мутасадди идора ва ташкилотларга йўналтирилди.

Тошкент вилояти солиқ бошқармаси ахборот хизмати.