Сурхондарё ҳокими билан тортишган директор калтаклаб кетилди

Сурхондарё вилояти ҳокими Улуғбек Қосимов билан мажлисда тортишиб, омма эътиборига тушган Сариосиё туманидаги 28-мактаб директори Умида Турсунова калтаклаб кетилган.

Бу ҳақда ижтимоий тармоқларда унинг синглиси маълумот тарқатди. Унинг сўзларига кўра, Турсунова бошқа бир ўқитувчининг оила аъзолари томонидан калтакланган. Айни пайтда у шифохонада экани маълум қилинди.

Эслатиб ўтамиз, август ойи бошида директорнинг ҳоким билан тортишган видеоси тарқалган ва у етти суткага қамалгани ҳам маълум бўлганди.