Ўзбекистоннинг қатор халқаро рейтинг ва индекслардаги ўрни юқорилади

Жорий йилда Ўзбекистоннинг қатор халқаро рейтинг ва индекслардаги ўрни юқорилади.

“Юксалиш” ҳаракати хабарига кўра, Ўзбекистон Маълумотлар очиқлиги рейтингида (The Open Data Inventory 2023) 15 поғонага кўтарилган.

Бундан ташқари, Ҳукуматнинг сунъий интеллектга тайёрлик индексида (Government Artificial Intelligence Readiness Index) 14 поғонага олға силжиш кузатилди.

Шунингдек, мамлакат Барқарор ривожланиш мақсадлари индексида (SDG Index 2023) 8 поғонага кўтарилди.

Жорий йилда Ўзбекистон илк бор Меҳмондўстлик индексига киритилиб, 195 та давлат орасида 25-ўринни эгаллади.