Тошкентда Spark пиёдалар йўлагида уч нафар чет эл фуқаросини уриб кетди

^{Ижтимоий тармоқларда тарқалган видеодан кадр}

13 октябр соат тахминан 22:30 да Тошкентнинг Яккасарой тумани Бобур кўчасининг Шота Руставели кўчаси билан кесишмаси яқинида йўл-транспорт ҳодисаси рўй берди.

Gazeta.uz'нинг пойтахт ИИББ таяниб ёзишича, 2005 йилда туғилган Ш.Т. ўз бошқарувидаги Spark (давлат рақами 80 X 013 RA) автомобилида бошқарувни йўқотиб, пиёдалар ўтиш жойида уч нафар пиёдани уриб кетган.

Натижада пиёдалар – П.Х. (1983 й.т.), И.Р. (1983 й.т.) ва Х.А. (1978 й.т.) тан жароҳати билан шифохонага олиб кетилган.

Qalampir.uz хабарига кўра, жабрланганлар – Ҳиндистон фуқароларидир. П.Х. чап болдир суяги синиши; И.Р. бош мия ёпиқ жароҳати, бош мия чайқалиши; Х.А. эса бош мия ёпиқ жароҳати, бош мия чайқалиши ташхиси билан РШТЁИМга ётқизилган.

ИИББ терговга қадар текширув бошлаган.