Мажбурий ижро бюросининг Тошкент шаҳар туман бўлимлари томонидан судларнинг номулкий тусдаги ижро варақалари асосида ижро ҳаракатлари Бюро директорининг 10.05.2023 йилдаги “Номулкий тусдаги ҳужжатлар ижросини жадаллаштириш юзасидан” 10.3/23-31-584-сонли топшириғида кўрсатиб ўтилган вазифалар амалга оширилган ҳолда ижроси таъминланиб келинмоқда.
Хусусан, Тошкент шаҳар судининг фуқаролик ишлари бўйича Яккасарой туман судининг ижро варақасига асосан даъвогар Ю.Х.ни Яккасарой туманидаги 67-уйнинг яшаш хоналарига мажбурий тартибда киритиш тўғрисидаги ижро ҳужжати Бюронинг Яккасарой туман бўлими иш юритувига келиб тушган бўлиб, туман бўлими давлат ижрочиси Д.Жураев томонидан олиб борилган ижро ҳаракатлари натижасида даъвогар Ю.Х., яъни ушбу хонадоннинг собиқ келини яшаган хонасига киритиб қўйилиши таъминланди ва ижро иши амалда тамомланишига эришилди.
“Замин” янгиликларини “Telegram”да кузатиб боринг
