Мижозларини «Умра»дан олиб келмаган авиакомпания мансабдори қамоққа олинди

Мижозларини «Умра» сафаридан қайтариш чораларини кўрмаган ҳамда бошқа жиддий қонунбузилиш ҳолатларига йўл қўйган хусусий авикомпания – «Panorama airways» мансабдор шахсларига нисбатан жиноят иши қўзғатилди. Ҳолат юзасидан тергов ҳаракатлари олиб борилмоқда.

Транспорт прокуратураси жиноят иши доирасида 1 нафар шахсга нисбатан «қамоққа олиш» эҳтиёт чорасини қўллаган.

Маълумот учун, бир муддат олдин «Panorama airways» компанияси томонидан парвозларнинг кечикиши туфайли ўзбекистонлик зиёратчиларнинг «Умра» сафаридан қайта олмаётганлиги ҳақида хабарлар тарқалган эди.