56
НАТО мутахассислари Ўзбекистон Қуролли кучлари курсантлари учун ўқув машғулотлари ўтказмоқда
Фото: Мудофаа вазирлиги матбуот хизмати
Шимолий Атлантика Шартномаси Ташкилоти (НАТО) мутахассислари Ўзбекистон Қуролли кучлари Кичик мутахассислар тайёрлаш маркази фаолияти билан яқиндан танишди, деб хабар бермоқда Мудофаа вазирлиги матбуот хизмати.
Қайд этилишича, дастлаб делегация аъзоларига марказнинг ўқув-моддий базаси ва ўқув хоналарида яратилган шароитлар таништирилган. Шундан сўнг меҳмонларнинг ўзаро танишув суҳбати ҳамда масъул шахслар иштирокида брифинг ўтказилган.
“Брифинг давомида марказ шахсий таркиби ва курсантларга НАТО ҳарбий ҳамкорлиги тўғрисида тегишли маълумотлар берилди”, — дейилади хабарда.
НАТО ходимлари марказда ўқиётган курсантлар учун ҳарбий альянсга аъзо давлатларда сержантларни тайёрлаш ва малакасини ошириш бўйича бир қатор мавзуларда машғулотлар ташкил этган ҳамда мавзу бўйича ўзаро фикрлар алмашган. Ҳамкорликдаги ўқув-услубий машғулотлар 20 апрелга қадар давом этади.
Эслатиб ўтамиз, 2018 йилда НАТО мутахассислари тўрт кун давомида Ўзбекистон Қуролли Кучлари академиясида машғулотлар ўтказган эди.
2023 йил октябрь ойида эса Мудофаа вазирлиги ҳарбийлари Жанубий Кореяда НАТО стандартлари асосида ўтказилган халқаро илмий жанговар тайёргарлик мусобақасида ғолиб бўлганди.
Иккинчи ўринга АҚШ ва Корея жамоалари эга чиққан. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Москва аэропортларида 1000 га яқин тожикистонлик қолиб кетди
Бундеслига. "Байер" 90+6 дақиқада гол уриб яна мағлубиятдан қутулиб қолди!
Отабек Ғуломхўжаев: "Тарихий ғалаба орқали ўзбек халқига хурсандчилик улашган йигитларга раҳмат"
Тимур Кападзе Индонезияга қарши кечадиган ярим финал баҳсидан олдин нималар деди?
Ўзбекистоннинг экспорт ва импортида юқори улушга эга давлатлар маълум қилинди
Ўзбекистоннинг тоғли ҳудудларида қор ёғди
Рўзиқул Бердиев: "Кубок ўйинлари давомида йигитларда кучли иштиёқ сезмадим"
Саудиядаги саммитда Исроил ва Ҳамас ўртасида музокараларни тиклашга ҳаракат қилинмоқда